Oroitz bat. 1813-garren urteko Donostiari, abuztuaren 31-garren egunean. (Amalauduna)
Lopez eta Alen, Franzisko
¡O zenbat oroitz gaurko egunean
Zuri begiratu ta diran azaltzen!
Onela nago, ikusirik, pentsatzen
Balirake bezela nere aurrean:
Ta oraindik ere gaur sentitzean
Zenbait pena samiñ dira nastutzen,
Non dakiten guziyak diran arritzen
Etsai zitalkeriyak ¡ai! ikustean;
Eta gure aiton maite maiteak
Ill ziran geyenak gogor egiñik
Geren seask ayek gorde nayean;
¡Bai! oraiñ begira zazute Zerutik
Easo berri ederra lengo zañean,
Alchea seaskan zeuden semeak.