Nafarroako ezkutuaren aurrean
Lopez eta Alen, Franzisko
Begira naukazu arriturikan
Gaur zure ezkutu leyal ortara,
¡Or! ikusten da ¡or! biotz nafarra
Etsayak ikaratu nairikan:
Bañan gogorra izanagatikan
Azaltzen danian etsai zakarra,
Onian zerade alako aurra
Dontsu-dontsua, amaren gandikan.
Zaude, bada, zaude orrela zurik
Banaditzatzun ¡bai! gizaldietan,
Zure oroitzak antziñ-antziñatik;
Zergatik erriak daudezenean
Ezkutu doaidunakiñ jantzirik,
Ez dira arkiko iñoiz mendean.