Berriz gurekiñ

Aldabe, Joakin

 «KARMEL» izenez aldizkaria

 ezautua gendun lendikan.

 Urte zerrendan egona degu

 ixillik ta gorderikan.

 Arrats luzian iraun ondoren

 argi izpi gaberikan,

 berriz biztuta atera zaigu;

 ona zabaldu nairikan.

 «ONGI ETORRI» bero bat danak

 biotzez ematen diogu;

 ta bere alde oraiñ ta beti

 nai aundi bat izan degu.

 KARMEL menditik ixuri zala

 esne ta eztia gaiñezka,

 urrutiratuaz gure artetik

 ez biar guztiaren kezka.

 Pozez beterik gure begiak,

 zer gauz on letu badute!

 Idazlari ta olerkariak,

 danak agertu zaitezte.

 Anaitasuna urratu gabe

 jaun beti zuek lanian;

 Karmen'go Ama maite maitiak

 ar gaitzala babesian.

 Jakiñ gaietik agor gabeko

 garbi degun Iturriak,

 zabal ditzala kristau artian

 mamia duten egiak.

 Onura aundiko idaz lanetan

 egiñ beti aintziñera.

 Zabal argia, EGI BAKARRA

 ludi illun onetara.