Maite nayean
Lopez, Franzisko
¿Bai aldakizu egun sentiko
Uda berrian,
Odol urdiñak nola diraden
Zeru guztian,
Diosaldurik sosuen kantak
Arboletikan,
Likurt gozoa landare danak
Banaturikan?
¿Bai aldakizu, ikusten dezu
Izar maitia
Nolako eztiya agertutzen dan
Ori guztia,
Eta gañera zer naitasunak
Ifar' tartetik
Sentitzen diran, diran bezela
¡Ai! biotzetik?
...............
Maite polita, arren begira,
Nazazu neri,
Nik beiratutzen zaitutan gisa
Barrendik zuri,
Ta adiarazten baldin badira
Beiratu biyak,
Alako egunik ez du izango
Aiñ ona iñoiz uda-berriyak.