Larraldeko Magdalenari Oroitz bat.
F. Lopez Alen.
I
Nork eta zerk nau gaur erautziko
Detana zenti indarraz ezan!
Nork eta nota neri galazi
Barrendik irten nai duena joan!
Pisti chikiak ez du kantatzen
Erautsi gabe mendi maldetan!
Arrano aundia odoi etatik
Dijoanian panparroi egan
Bere marruen otsa legorra
Ez du zabaltzen lurren ganean.
Bai! bai nik ere zabalduko det
Datorkiana nere barrendik,
Ez arranoen eta pistien
Deadar utsa bezelakorik!
Ifar-aizea ari danian
Arboltegien osto tartetik
Adiarazten ansi gozoak
Ta baratz-soro aren ganetik.
Ala nik ere zenti detana
Kantatuko det ai! biotzetik!
II
O! Magdalena Larraldekoa
Saratar dontzu eta eztia.
Inoiz, ezdana astuko zure
Oroimen-doai chit naigarria!
Zure erritik zinana izan
Nafarroako Bera etorria!
Berako eleizan topa zenuben
Zeruetako zuzen bidia
Egin eta artu zenubelako
konfezioa ta Yaun-aundia!
III
Pinet buruzagi agintaria!
Baldin badezu inonk zentzurik,
Ezan gaituzu, gure Magdalen
Zergatik dago kartzelaturik!
Eta diozu ill behar zula!
Eta ganera penik arturik!
Neskach fededun eskualduna da,
Ta kontu Pinet! ein orlakorik!
Zergatik Euskal-erriak jartzen
Dakizki etsayak dar-daraturik!
IV
Oi! zer ikara garrizko gaba.
O! zer chimistak! o! zer turmoyak!
Bazirudien dana bat egin
Naizutela lur ta zeru-goyak!
.............................
............................!
O! Yaungoikoa!... zer da argi ori
Azaltzen dana gure ganian...!
Ta kanta ori mendiTik-mendi
Ibairik-ibai Euskal-errian
Itsas lurrean aditzen dana
Nondikan dator!!..............
..............................
Ama Birjinen mantu urdinen
Orri tartean eztalirikan
Gure Magdalen da zeruratzen
Salve Regina kantaturikan!