Intza eta malkoa
Lopez, Franzisco
Intz tanto batek ziyon batian
Malkocho tanto bateri:
-¿Zergatik zaude orrela beti
Itsatsirik samiñari?
Begira zazu uda-goizetan
Egunsentiko odoyari,
Ikus-nazazun nola natorren
Jartzera dana pozgarri.
Malkoak diyo entzun ta gero
Jarririk triste pentsatzen:
-¿Diyozu nola ez detan iñoiz
Zuk bezelasen alaitzen?
Zeruetatik odol tartian
Zeradenean zu jesten,
Zu jestentzeran lekutikan, ni
Zeruetara naiz sartzen.