Habana-ra. Gudari gazte baten agurra bere amari
Lopez, Franzisko
Samiñez beterikan
Zugandik banua,
Uts triste bat utzirik,
Nere ama ona;
Barren guztiya daukat
¡Ai! Minberatua,
Nautelako bialtzen
Lajarik lekua,
Nere jator guztiyak
¡Bai! Maitetakua.
¿Nola biziko gera
Ni an ta zu emen,
Ez banaiz oraindikan
Zuregandik irten?
Itsaso aundi orrek
Ez nau ikaratzen,
Baizik zu laja biar
Ori det sentitzen...
Negarra darizu ¡ai!
Neri bezelasen.
Bigar guazenian
Danak or ontzian
Itsas-urdiñ zabal ta
Aundien gañian;
Egunaz eta gabaz,
Goiz eta arratsian,
Ta denborak dituben
Ordu guzietan,
Juango nazu pentsatzen
Amacho maitian.
¡Ama! Begira nauz,
Beira nazu arren,
Zure negarra nai det.
Eraman barrenen.
Berarekin bat egin
Dedana isurtzen;
Eta nere gaitz abek
Sendatu ditezen,
Neretzat gauz onena
Izango det ausen.!
Eman nazun Birjiña
Jarri det kolkuan,
Eta arkituko da
Ni naizen lekuan;
Onek libratuko nau
Gerran eta sutan;
Eta gero berri bat
Onenchen onduan
¡Ama! Ekarriko dizut
Zuri ononzkuan.
¡Agur!... ¡Ama!... banua,
Baijoa semia,
¡Agur! Biotzetikan
-¡Agur! Bai! maitia,
Laztancho bat eskatzen
Dizut ematia,
Ta zeruari eska
Neretzat argia,
¡Ama! Ara lagunak!
¡Ama!... Ara ontzia!-
|