Elurra!...
Lopez eta Alen, Franzisko
Nola jeisten dan begira zazu
Geldi geldirik goitikan,
Begira zazu gañera nola
Jostatutzen dan aidean;
Begira zazu arbol gañera
Eta toki guztietan
Estalirikan zuri-zuriya
Guztiya nola jartzen dan.
¡O! Zenbait oroitz egiten dizkit
Nere barrenen nastutu,
Aur nintzanetik gaur arteraño
Zaizkitanak ¡ai! gertatu:
Zenbait urteko elur guztiyak
urtero dirade ustu.
Bañan neregan dauden oroitzak
Iñoiz ez dira banatu.
Begira zazu, an mendietan
Jostalluchoak bezela
Echolak nola agertzen diran
Uso churien antzera:
Isiltasuna, odoiak beltzak,
Ezer ageri ez dala
Baizik elurren zuritasuna...
Baizik elurren... tristura!
Begira zazu zelai artara
Ikus dezazun ardiyak
Nola dauden an-bill bildutikan,
Nola dauden an gaisoak:
Ez da iñundik ezer aditzen
Baizikan errekachoa
Nola dijoan soñu larriyan
Mendi gañetikan bera.
.....................
Bañan non dira chorien kantak,
Eta non dira loriak,
Osto politez guztiz jantziyak
Ain gauza beiragarriyak,
¡Nunbait elurrak isildu ditu!
¡Nunbait elurrak gordiak!
.........................
Pentsatzen nago au ikusirik
Ta guztiz arriturikan,
Elurrak iñoiz ote zaituben
Zerbait busti biotzian.