Biotz biko pen bat
Lopez eta Alen, Franzisko
Chorichoa, chorichoa,
¿Zer ari zera kantari,
Orren triste zure penak
Zabaldurik munduari?
¿Zer nai nazu pipipika
Esan gauz oyekin neri?
Kantazazu chorichoa,
Aditutzen nago zuri.
Chorichoa, chorichoa,
Egon arren arbolian
Etzaitut ikusten nola
Zaudezen osto tartian;
Zure kantak esaten dit
Zaudezela or gañian;
Orla dira nere penak
Daudenian biotzian.
Bai! bai! emen, chorichoa,
Ortara gaude jarriyak,
Igaroturik negarrez
Izaten gera guziyak.
....................
¿Ez dizu pipi geiago
Egiten zure kabiyak,
Otz otzak daudezelako
Zituzun chito chikiyak?
¡Ai, gaisoa! chorichoa!
Zu bezela naiz arkitzen,
Zuk bezelako antsiyak
Ditutelako sentitzen.
Zuk dezun kabiyen gisa
Seaska nuben izaten,
Nere maite polit chiki
Aritzen zana jostatzen.
Bañan orain, chorichoa,
Ez daukat iñor seaskan,
Egan egan juan zitzaidan
Seask otza lajarikan:
¡Ai gaisoa! chorichoa,
Kantazazu goi goitikan,
Gure penak aditzaten
Aingeruak Zerutikan.
|