¡Aur gaisoak!
Lopez, Franzisko
-¡Orra zer Jainkoak
Eraman diran
Ñere maite polita
Neregandikan!
¡Nork daki len bezela
Nere onduan
Jostatzen baldin bada
Orain zeruan!-
Guraso batek seaska bati begiratuaz,
Bere biotza antsi tartean dardaratuaz,
Aditzen nizkan itz oyek arri kupiturikan
Bere aurchoen far irri ura topa nairikan:
-Ala zeguen seaska utsa gela batean
Agerturikan gona chiki bat tapa tartean,
Eta mai baten gañian berriz jostalluchoak
Aurrak berekin atzo jostatzen izandakoak;
Chori bat zeguen kayol batean goitik zintzilik
Seaska utsa zeguen toki pare-paretik,
Eta arren kantak edo negarrak ez dakit ziran
Aurrarengana joan nai bezela kayoletikan.-
Ontan gabaren illuntasuna dator gañera,
Eche artako pen ura banatu nai bezela.
¡A! mundu ontan ote da arkitzen gauz oberikan
Aur gaiso baten eriotz goiza bezin onikan!
¡Zer-da bizitza! ¡zer da izatea urte askoan!
¡Gaitza! ¡samiña! gaizki izatea alkar ondoan!
Guraso onak ¿zertako dira negar malkoak,
Ez alditugu bear zeruan aingeruchoak?
Au esan nuben ayen barrenak poztu nayian
¡Bañan alferrik! isiltasunaren erdian
Ayengandikan beste gauzarik etzan aditzen
Beren biotzak zekaten pena baizik sentitzen.