Bera'tar, agitz maite degun Iñazio Larramendiren eskutitzri erantzun apal eta maitekor bero-bero bat

Aldave, Joaquin

 Igeska urtiak uste gabian

 aunitz igaro zaizkigu.

 Larogei ta bi bate dituzu;

 nik irurogei eta iru.

 Nere erriya, Beroko erriyaz

 (antxen jayo nintzalako)

 urruti andik biziyakatik

 eznaiz iñoiz ni antziko.

 Jaungoikuak ala nai izan eta

 gazterik atera nintzan.

 Nere kabiya emen jarri nun

 Kantabri itsasuaren ertzan.

 Urte zerrenda Orio erriyan,

 ogeitaamaseitaraño,

 pake betian kumplitu zaizkit,

 ta ez naiz damu egundaño.

 Jaungoikua zuzen beti ibilltzen

 zaigu bere bidetikan.

 ¿Zeñek errango luke orduan

 nere ertera andikan?

 Askotan ditut gogoz oldosten

 nere erriko berriyak.

 Erriko bwsta, Egurri eguna,

 ta baita Besta-Berriyok.

 Egun batian "EGAN" letu ta

 arrituta ikusi nun,

 EL BIDASOAK euskeraz lerruk

 nola idazten zizkigun.

 Gauz ona zale ta on egarriz

 zabal atia ikusita,

 ixurtzen ditut biyotz barrundik

 gauza moduk apainduta.

 ¿Gozo zaizkizu? Edan, Iñazio,

 iturri garbi onetatik.

 Jaungoikua beti lagun detela

 jarraituko det gogotik.

 Gu guztiyori sagar omua

 atsegiñ zaigun antzera,

 zu ere ala, egi-egitan

 maitekor ta ona bazera.

 EL BIDASOAK diyon bezela,

 zartu ta ere gaztia

 Uda-Berriko loria zera.

 On zaigu guri aitortzia.

 Urtek bizkarren bañan kementsu

 daukazu arima pizkorra,

 ez zori txorrez askok bezela

 zimur, igartu ta elkorra.

 Zuk nai zenduke iru lagunak

 elkarrekiñ gertatzia

 Bera'ko besta maitagorritan.

 ¡Askorxo da eskatzia!

 Eskatu zazu otoitzen bidez

 elkarrekiñ izatia

 betiko egizko atsegiñ artan.

 ¡orixe nai det, maitia!