Bizi naya
Lopetegi, Jose Maria
1
Agurtutzera nator biyotzez
agur gure Euskal-erriya,
begira nago noiz etorkodan
egun zabal pozgarriya
Aman malkoak legortutzera
euskaldun biyotz aundiya
bildu gaitean poztu dediyen
Amatxo maitagarriya.
2
Erkala ekarri degun ondoren
Ama ari da azaltzen
azkatazunak seme alabak
dituelako maitatzen
lengo errege lagun zarrakin
agintzen egondu bazen
Estatuto eta azkatasunik
Euskal-erriyetan etzen.
3
Nora nai juan da esan dezagun
gure aitonak bezala
Euskal izkuntza maite degula
ta euskaldunak gerala,
gure izkuntza ikast-etxetan
galazi ez dezatela,
lagundutzeko emen gerade
indartutzeko Erkala.
4
Oroitutzen naiz gazte nintzala
erderaz itzik ez jakiņ,
eta euskeraz mintzatzen zana
aurki zan erastunakin,
aste guztiyan ordaindu gabe
baldin baneukan nerekin
ikazt-etxea garbitutzera
igandean eskobakin.
5
Gure izkuntza maitagarriya
dan izkuntzik politena
ezin azalduz oinperatua
irukitu zaituztena.
Erkalak eman nai digu zerbait
bildu gaiten alkargana
samintasunak kendu zaizkigun
sendotu dezagun Ama.
6
Ama maitea bildu semeak
ez juan iņor igesi
erdera galdu gabetandikan
euskeraz ondo ikasi,
jakin dezagun Euskal-erriyan
izkuntza dala lenbizi,
izkuntzik gabe alperrik gabilta
euskera ez leiteke bizi.