Euskadi tropikala

Loiola, Iraide (?)

 Pentsamendu hau zuen aurrea

 nahi nuke nik gaur aitortu

 aspaldi hontan ez da zeruan

 lainorikan ez agertu

 iturri eta ibai guztiak

 denak dira bai agortu

 Euskal Herria guztiz tropikal

 zaigu aspaldi bihurtu.

 II

 Aspaldi hontan entzun ditugu

 bai hamaika argudio

 zientzi gizonek egin dituzte

 hamar mila estudio

 gero entzun behar izaten dira

 hauen hinbat predizio

 ezin daiteke galdu esperantza

 herri hontan oraindio.

 III

 Eguraldi ona izango dela

 esan digu gaur biharko

 atzo gauean ere horretan

 telebistan ziren gaurko

 horrela berriz jarraituz gero

 beharko da egon txarto

 San Pedro ere jarri zaigula

 oso harro eta terko.

 IV

 Zelai berdeak ikusten dira

 jantzita guztiak hori

 apirileko euria ezin

 liteke ordaindu miloiz

 nekazariak ikusten dira

 kezkatuak ta arrazoi

 ez omen da ez horrelakorik

 ezagutu hemen inoiz.

 V

 Hor behe aldean aspaldi hontan

 ur ugari dute udan

 eta gu hemen gabiltza orain

 izugarri bai justuan

 esan daiteke lehendakari

 txarra dagola zeruan

 noiz banatuko ote ditu ba

 ur denak bere lekuan.

 VI

 Baserritarrak oraingotikan

 jarri dira su eta gar

 hemengo zelai eta basoak

 jarriak ziku eta igar

 gure esku ez dagoela eta

 alferrikan egin negar

 errezuetan hasi zaizkigu

 inguruko hainbat eleiztar.