Nere zeruko Ama Naigabetuari
Loentxo
Goibela dago zeru guzia,
Dar dar ikaraz lur dena
Iltzen dagona Jainkua bear
Edo lurrak du azkena.
***
Gurutzetikan zintzillik dago
Seme guzitan onena,
Bere aurrean Ama Maria
Ama denetan maitena.
Ama Semetan ez dakit zeņek
Duan oņaze geyago,
Iltzen dago ba Semia baņo
Amak nai luke lenago.
Nolako ama alako oi da
Berak azi dun semia,
Ementxe daude Ama Semiak
Ikusi zein dan obia.
Poza besterik ez dezu izan
Ama guzitan garbiņa
Auxen da orain ordu onetan
Sortu zaitzuan samiņa.
Maite goxotan eztitutzeko
Egin zizuten biotza:
Udaberriko lore oyeta
Erori zaitzu izotza.
Egun sentiko izarrak ziran
Zure musuko begiak
Urka mendiko arakintz ortan
Urtu zaizkitzu guziak.
Baratzetako arrosak bezin
Ezpain garbiko lorea
Urreratuta musu zayozu
ĄOri da zere Semia!
Arantzadunak sortu giņaden:
Arantza bia zu zea,
Sortutzetikan arantz gabea,
Orain arantzaz betea.
Begira zazu Jesus onaren
Kopet gaņeko sasia
Arantz zorrotzaz josia dauka
Ezurretaņo mamia.
Emallek zian esku oyetan
Aldenik alde iltzia,
Biotza berriz zuganatua
Zabalik dula atia.
Sortu baņo len, sortzeko unen,
Sortu ta gero garbiņa:
Ez do ba zure arime ortan
Oben kutsuren tikiņa.
Garbia zera, zuria zera,
Barrendik zuri zuna,
Azaletikan bazaude ere
Soņeko beltzez jantzia.
Zere Semeren odol tantuaz
Arkitzen zera bustia:
Soņeko beltza beltza ez da a,
Beltzez ez baņa gorria.
***
Goibela dago zeru guzia
Dar dar ikaraz lur dena,
Iltzen dagona, Jainkua bear
Edo lurrak du azkena.
