Atoz gaxoa
Loentxo
Mendi mendian gizonen itzik
Aditzen ez dan tokian
Ardiak zeuden arkaitz artian
Bizi beat da larrian
Beren gañeti itzal egiñaz
Zapelaitz beltza egaka
Goragoxian bele gosiak
Aragi eske "kuaka".
Aldian berriz arkaitz zulotik
Kink egiñaz otsua
Ardiren bati eldu nai eta
Jasua dula burua
Ardi goxuak erruki ditut
Etsat gaiztoren artian
Gau eta egun beti onela
Arkumiakin batian.
Geratu zan bat alde guzitik
Larrak loluta sasian.
Lagun guziei laguntza eske
Alperrik aitu ondoren
Ilundu zaio zori txarrean
Berak uste zan baño len.
¡Be...e ta be...e laguntza eske
Ikusi arren gaxoa
Beren burua zuten lenago
Urrena berriz urkoa
Aguro baño aguroago
Mendian bera lasterka
Al zuten guzik ekin zioten
Zutikan edo erorka.
Bakar bakarrik, negar da negar
ardi galdua sasian:
Ez da egongo asko geiago
Etsaiak dauzka aldian.
Esan da izan etorri ziran
Pisti gaiztoak jatera
Eldu zioten alde guzitik
Gaizto guziak batera.
¿Zer zan geratu? Ezur garbiak
Arri askokin nastuta
Ille mototsak beste aldetik
Iñostorakin bilduta.
Amaika bider gure anima
Ardi gaxoen antzera
Joaten zaigu galduko duten
Etsai gaiztoren artera.
¿Zertan zaude or larraz lotuta?
Atoz aguro etxera
Pisti gaiztoak datozkizu ba
erukarria jatera.