Hara anaia

Lizaso, Sebastian

 1

 Hara anaia zuk egin zendun ustez gustoko aukera

 Eta etxetik irten zenduen zu mundua ikustera

 Parisen zaude ematen dizut eskale baten tankera

 Berriz etxera juaten orain lotsatu egiten al zera.

 2

 Ez du kalterik hobean bila mundurik mundu joaitiak

 Harrokeriak ekartzen ditu oztopo eta kaltiak

 Gizona ez du iñoiz bajatzen galtzen ere jakitiak

 Zabalik daude aman besoak eta etxeko atiak

 3

 Paris aldean daramazkizu egun gogor ta lizunak

 Orain aparte garai bateko adiskide ta lagunak

 Zoaz etxera, jan eta edan jantzi arropa txukunak

 Hori ta geio barkatuko du bizia eman zizunak.