Agertzen asi da negua
Aldabe, Joakin
Negua bertan degu.
Laxter goitan elurra.
Biar goizko zuria
Mendi Beltzen gaillurra.
Ekar zagun menditik
aritz ta ametz elurra.
Sukalde epel-epelen
etziok otz bildurra.
Lotan gelditzen dira
zelai, baso, soruak;
eriotz logalez illik
ta danak zarpillduak.
Dar-dar eragiten du
trumoiaren erruak.
Etxe alden bai dirala
egon ordu goxuak.
Ke beltza ateratzen da
tximinitikan gora.
Su-gar bizitan dago
gaztaņ zugaitz enborra.
Etxe ortan etziok
eltze gai uts legorra.
Kanpon asi da erortzen
elur zuri pikorra.
Sagardu ona aukeran,
Ta ez pitar mingarra.
Txerria ill berria,
lukainka ta txixtorra.
Or kanpon berriz otza;
emen epel ta idorra.
Jantzi dute bazterrak
zuri-ruria atorra.
Uda azkena danian
mintzatzen da euria.
Ubeldi izugarriak
gaiņeztu du zubia
sartuz ezurretaņo
bildurra ta larria.
Lur aldetan Azaruan
ereingo da garia.
Egiņ dezala kanpon
nai digun egualdia.
Lan egiņ dun etxian
badago ugari ogia,
sagar umo, gaztaiņa,
nai aiņa esne ta eztia.
ta illuntzen dunerako
geure argizagia.
|