|
Asterik aste bertsotan
Lierni
Txomin Olano
Bretxa'ko inguruan,
goiz arratsaldean,
eltze, zartai ta beste
katxarro tartean,
an arkituko dezu
joan nai dezunean
gure Txomin Olano
musika lanean.
Bapoa da mutilla
sendo ta bikaņa.
Ez du berriketako
ibiltzen mingaņa
Auzoko ume danak
izutzeko aņa
luzetan dauka bere
sudurra alajaņa!
Onetxek bai duela
ederra tronpeta!
Gazta antzeko burua,
zabala kopeta.
Ille zuri oiekin
badu naiko treta
mutil zarra bai dago
oraindikan eta.
Besteren ezkontzetan
joko du soņua
baņan berean ez da
iņor jotzekua.
Zenbatek onezkero
bota dio amua
baņan arrai au ez da
errez eltzekua.
Radio'n ta Abesbatza'n
eta nai ezkero
Gaztedi'n, Eusko Etxea'n
ariko da bero.
Danak jo bear gaitu
berak egunero...
Arranetan, guk bera
joko degu gero!
Berai omen-aldi bat
dira egiteko,
irabazia dula
det nere usteko.
Pesta bat emango det
bera saritzeko
ta pianorik egundo
ez neri jotzeko.
|
