|
Asterik aste bertsotan
Lierni
Aspaldiko urtetan
euskaldun astea
egiteko zan emen
oitura betea.
Euskaldunen errian
auxen egitea
zein arrituko ote zan
izanik berea?
Baņan gure errian
eskerrak besteri
kanpotako semeak
daudez agintari.
Auek noja beiratu
gure oiturari
maitasun ba'diote
beren erriari?
Geiago ez daukagu
eusko asterikan,
aren ordez dakarte
beren erritikan
"guajira" "soleares"
ta guzitatikan,
gu zibilizatzeko
oiekin gaurtikan.
Politika omen da
gure ikurriņa;
gure dantza garbia
berentzat zikiņa.
Pelota, aizkol-joku
dana da berdiņa,
beti eman diote
tripetako miņa.
Dakit jestore baten
izen gazitua
Sardiņa da ta gure
aurka amorratua.
Nola jarriko luke
onek konkursua
etxetik entzuteko:
Sardiņa preskua...!!
Euskaldunen errian
eusko asterikan
ez genduke guk bear
baldin iņondikan.
Urte muga osoan
ez da egunikan
euskaldunen astea
guk ez degunikan.
Baņan ala bear-ta,
besterik ezian,
aste bat egiteko
gertatu gaitian.
Jaiki euskaldun onak
ta danak batian
erakutsi gerala
jabe gure errian.
|
