Asterik aste bertsotan
Lierni
Zuk asteoro letzen ba'zendun
nere bertsoen atala
kezkaturikan egongo ziņan
ikusirik palta zala.
Esango dizut berealaxen
nik kulparik ez detala,
beste bertsuan ikusi zazu
zergatik gerta dan ala.
Bertsolarien eguna zan da
an nitzan pozik agertu,
danen artean fin jarri eta
bertso botatzeko gertu;
nere aldia eldu zanean
arkitu nitzan ain estu
nun geroztikan gaur arteraņo
gelditu naizen ni mutu.
Ni bertsolari txarra naizela
igarri nun alegia;
baņa bertsotan, naiz txarrak izan
esaten ba'det egia,
jauntxokeriak astindu eta
zapalduz gaiztakeria,
onekin ondo goralduko det
maite detan Aberria.
Au sinistuta emen nator ba
txarrak zigortuz ederki,
oraingo onetan ba-dirudit nik
gutxienez bateterdi.
Arropuztuta jarria nago
amaikatxo bat bider ni;
agindu, jaunak: orretarako
emen dezute LIERNI.