|
Orra bertso paperak
Ibai-ertz
1
Orra bertso paperak
neronek atera
neronek atera,
ez danikan ez nator
bertan esatera
Neskatx polit batekin
amorez asera,
naiz gero berak saldu
Judasen antzera,
txalogarria ez da
Pepitan jokera.
2
Tratatzen asi giņan
pozikan gaztetan
pozikan gaztetan.
itzak pasa giņuztan
erriko festetan.
Esan nion: "Naukazu
amorez benetan
ez nazazu eduki
olako penetan".
Baietzt eman ziran
orduantxe bertan!
3
Urrengo jaierako
egin gendun plana
egin gendun plana,
nai baņo obetogo
atera zan dana.
"Amoriyua daukat
Joxe zuregana".
Ezal-da au Pepita
esan zenduana?
Mingaņez legun baņan
azpitikan lana.
4
Sei illabete barru
Donostira juan
Donostira juan,
koziņan eta josten
ikasi nai zuan.
Beste asmo batzuek
ziņuztan buruan,
susmo txar bat neronek.
laixter artu nuan...
Amaika orrelako
badabill munduan!
5
Igandez alkarrekin
karta astelenez
karta astelenez,
astero ez joateko
neronei esanez,
Gastu asko zegola
igandero juanez,
ta bera leporaņo
zebillela lanez,
azkoz obe nuela
puxka baten jun ez.
6
Karta artu orduko
nere errespuesta
nere errespuesta:
-Pepita barru ortan
maitasunik ez da.
Txit fiņa etzerala
lendik nuen kezka,
bertan bukatzen degu
amorezko festa...
Beste bat billatzeko
libre zaude neska!!!
7
Donostin jakin ditu
Pepitan berriak
Pepitan berriak,
benetan gerta dira
txit penagarriak.
Dirutan erosi du
gizon elbarriak
amerikano maltzur
engaņagarriak...
Neskatxa galdu digu
diru egarriak!
8
Agur bein betirako
gure maitasuna
gure maitasuna,
zerorrek ala nai ta
bukatu, dezuna.
Nere konsejua da:
"Ez izan lizuna,
animak izan dezan
bere osasuna,
diruz etzazu saldu
zuk garbitasuna!!"
9
Munduan zertarako
engaņo ta gezar
engaņo ta gezur,
zer bukaera degun
badakigu ziur.
Urte batzuk pasata
danok auts eta lur,
adertasunak utziz
munduari agur!
Garaiz izan gaitezen
Jainkoaren bildur!!!
10
Zenbat tranposa dagon
oraingo munduan
oraingo munduan,
bizi nai lutekenak
markesa moduan.
Txorakeria gaņez
dezute buruan
ezin errenditurik
languillen onduan.
Ez dezute pentsatzen
eriotz orduan!!!
11
Pepita arro dabill
algara ta parrez
algara ta parrez,
laixter bide ortatik
seguro negarrez.
Aspertzen asi bai da
indiano zarrez,
naiz gaņezka ibilli
zillar eta urrez...
Diruz egoki baņan
maitetasunik ez!!!
12
Azken bertsoan agur
egiņik Pepitai
egiņik Pepitai,
egiak esan eta
gelditzen naiz lasai.
Arpegi emateko
Prestu nago nun nai,
deitu nai dezunean
joango nazazu, bai.
Joxe gelditzen zaizu
abixu orren zai.
|
