Nere astotxo zintzoari
Ibai-ertz
I
Asto txiki polit bat
izan nun gaztetan,
berak ibiltzen nindun
jai eta astetan.
Beste bat zintzogorik
ez nere ustetan,
alakorik ez dago
seitatik bostetan.
2
Amalau illabete
nitula jayota,
«Poliok» utzi nindun
betirako jota.
Geroztik anketatik
gaxorik nago-ta,
emen ibiltzen nintzan
astora igota.
3
Zazpi urte nitula
eskolara asi,
gurasoen ordena:
«Gogotik ikasia.
Bi oñak elbarri ta
oñez ezin kasi,
astoa izan nuen
lenbiziko «taxi».
4
Zenbat pagatu nuen
ba-dakit seguro,
etxera ekarri ta:
Dana zazpi duro!
Ta gañean jartzeko
nik milla apuro,
errenditu zedien
kapatu aguro.
5
Pasta egiña zuen
ark Errota-Berrin,
lendabizi aunditxo
pixun eta neurrin.
Atzez buztaneraño
aurretik belarrin,
berakin gelditzen zan
era parregarrin.
6
Bigarrena izan zun
neurria artuta,
gelditu etzedien
pastapen galduta.
Duro bat pagatu nun
ala eskatuta,
onekin amar duro
dauzkat gastatuta
7
Zazpi astoarenak
zortzi pastarekin,
beste biak nun diran
nai al dezu jakin?
Garbi esango dizut
arrazoiarekin,
aiek gastatu nitun
txikiadorekin.
8
Oraindik ez dirade
bukatu gastuak,
ez ditut esan kate,
zintxa, kabestruak.
Oek apari, postre,
kafe bat juxtuak,
ara zenbat balore
izan ziin astuak.
9
Kopetakok ba-zitun
-nun aien berdiñek-?
berari erregali
emanak Martiñ'ek.
Oi azal baten parpall,
txuri, polit, fiñek...
Igande ta jaietan
jazteko egiñek.
10
Illajez beltza zan da
muturrez zuria,
señorita antzera
tipoz dotoria.
Oñezkari bizkorra
jenioz noblia,
nun billatuko nuen
lagun bat obia?
11
Ezitzea kosta zan
amaika izerdi,
astakumea zan da
ezin egon geldi.
Ipur-saltalaria
andi ta emendi,
gañetik egin nuen
milla zilipurdi.
12
Pentsua izaten zun
astean bi aldiz,
etzalako nekatzen
geiegi izardiz.
Lenengo ostegunez
igandetan berriz,
arrotu etzedien
bitan juxtu neurriz.
13
Udaberrian moztu
ijitoarekin,
zenbat eskatuko zun
jaungoikoak jakin.
Eskatzea libre da
ukatzea berdin,
tratoa zerratzen zan
gero erdiakin.
14
Mozketa ondorenen
bizkarra orraztu,
olio ta ozpiñez
etzedien oztu.
Ille zarrak kendu ta
astotxoa poztu,
alimentu oberik
abereak eztu.
15
Pasta kentzean beti
Pozez zaldaliak,
txalogarriak zitun
ark abildadiak.
Lurretikan altxa ta
astinduz atziak,
laixter uxaten zitun
liztor da elbiak.
16
Legorreta'ko Aizpe'n
jaio ta azia,
gero gure etxean
bizitza guzia.
Ementxe izan zuen
bere desgrazia,
San Tomas egun batez
utziaz bizia.
17
Ara zer bukaera
nere asto fiñak,
beretzako alperrik
ziran medeziñak.
Egiñagatik danok
gogoz alegiñak,
azkenik galdu zuen
tripetako miñak.
18
Beti portatu ziñan
zintzo eta jator,
neretzat izan ziñan
guztizko maitekor.
Orregatik zugana
gaur kantari nator,
nere ogi-bidea
zuri bai dizut zor!!
|