|
Larraitzen izan giņana
Lete, Jesus
1
Larraitzen izan giņana
aurten San Pedrotan
aurten San Pedrotan,
Erromerira joanda
andregai asmotan.
Gauzak irteten dira
txit oker askotan,
Ori gertatu zaigu
guri aldi ontan,
Dana aitortuko det
oraintxe bertsotan.
2
Tomax nuen laguna
asmo berdiņekin
asmo berdiņekin,
Biok bizi baigera
guraso zarrekin.
Tratatu nai genduen
baserritarrekin.
Nekazaritzan gogoz
ari diranekin,
Probetxurik eztegu
oraingo auekin!!
3
Lendabizi Amari
fedezko bixita
fedezko bixita,
Gero andik dantzara
neskak ikusita.
Lagun egin genitun
Ana ta Luixita,
Gure etxetarako
bikote polita...
Nor etzan gustatuko
izketan asita?
4
Arratsalde guzian
dantza ta brometan
dantza ta brometan,
Alaitasuna gendun
geren biotzetan.
Albotik gazte batzuk
dantzako esketan,
Neskak berriz ezetza
beren ezpaņetan...
Ez giņan gu asarre
momentu aietan!
5
Dantza saio ondoren
biak konbidatu
biak konbidatu,
Errefreskotxo bana
nai al zuten artu.
Baietz esan zuten da
ostatura sartu,
Arten gure bizpidez
etziran oartu;
Au jakin zutenean
erabat okertu.
6
Tomax'ek atera zun
ostatuan itza
ostatuan itza,
Baserrirako andrek
billatzen gabiltza.
Ori entzun orduko
nexka biak mintza:
Gugatik libre dago
gaur nekazaritza.
Tratu ortan gurekin
alperrik zabiltza.
7
Zergatik eztezute
baserrirako nai
baserrirako nai?
Biak erantzun zuten
trankill eta lasai:
bizitz astuna eta
ainbat zikin usai,
Orain arte egiņak
naiko ditugu, bai!
Baserrira eskondu?
Ez orixe. Ja-jai!!!
8
Aurrerapenak urri
daude baserrian
daude baserrian,
Eta bizi eziņa
dago indarrian.
Neskak gaņezka ta
dirua neurrian,
atsedenikan ezta
istillu gorrian...
Bizitz traketsagorik
eztago lurrian.
9
-Etzazutela esan
orrelako itzik
orrelako itzik,
Barru ortan ez al da
bear dan biotzik?
Baserritik kalera
dira ainbat jetxik,
orain dabiltzatenak
bizi-bidez etsik...
An ere zakur danak
dabiltza oiņ utsik.
10
Arren ez gorrotatu
mendi baserria
mendi baserria,
Bera izandu baita
gure jatorria.
Seme jakintsuk sortu
ditun iturria
orregatikan degu
ain maitegarria...
Baserririkan gabe
zer Euskalerria?
11
Ler-zoriz asko dabiltz
kale bazterretan
kale bazterretan,
aundinaia baitago
bere indarretan.
Zenbat sartu diraden
oitura txarretan,
Eta penagarria
auxe da benetan,
Beste bizitz bat dago
baserri zarretan.
12
Neskatxak utzi eta
berriro etxera
berriro etxera,
Baņa aurrez jun giņan
Ama agurtzera.
Biotzezko otoitzez
gogoz eskatzera:
Larraitz'ko Ama betor
guri laguntzera
Bestela baserria
dijoa galtzera.
|
