Gazi-gezak
Ibai-ertz
Udaberria
Udaberrira iritxi gera,
maite gaitu Jaungoikuak,
egun zitalak ziran benetan
aurten pasatutakuak.
Alaitasunez bete zaizkigu
berdiņ etxe ta kanpuak,
bere kantuaz zer zoriona
ekarri digun kukuak!
***
Arrantza
Goizen goizetik joaten zerate
arrantza tresnak artuta,
egun guztia igarotzeko
errekatxotan sartuta.
Oraintxen dek garaya
ekarri amorraya
txixarez arrapatuta.
Bildur nauk gero berandu dala
ur guztiak agortuta!
***
Garizuma
Penitentzia egin
guztiok benetan,
arretaz jokatuaz
Jaunaren legetan.
Oker baldiņ gabiltza
mundutxo onetan,
gero nor sartuko da
Zeruko atetan?
***
Kintoak
Lagun txar asko dituk
aiekin ez nastu,
etzaitezte ibili
parranda ta gastu.
Bide zuzenetikan
mutillak jolastu,
etxeko familiaz
beņere ez aztu!!
***
Artzayak
Mendi aldera pozez dijoaz
gure artzai jator, fiņak,
gallur aietan pasatu nairik
egun gozo, atsegiņak.
Kale aldean izan dituzte
tristura eta samiņak,
gogoan izan, egun guztiak
ez diradela berdiņak,
galera oiek konpondutzeko
oraiņ egin alegiņak!
|