Impromptu. Murde Landerretche koplariari

Letchero

 1

 Nahi tuenak ikhasi,

 Bertsu berriak dohazi.

 Eguna nola higatzen dudan

 Nahi duenak ikhasi,

 Bertsu berriak dohazi

 Zortzi edo bederatzi.

 2

 Artzain bizi naiz mendian

 Nere ardien erdian.

 Goizetik arrats, gau eta egun,

 Artzain bizi naiz mendian,

 Nere ardien erdian,

 Chakur baten kompainian.

 3

 Goizean ditut alhatzen,

 Mendi gainera laguntzen.

 Han nere artzain lagunekilan

 Goizean ditut alhatzen,

 Mendi gainera laguntzen

 Dudalarikan koblatzen.

 4

 Arratsa jin den orduko,

 Bordara gira jautsiko.

 Borthu bizkarra sutan emanik

 Arratsa jin den orduko,

 Bordara gira jautsiko

 Gauazko errepausuko.

 5

 Neguan goibel zerua,

 Bai elhurpean borthua.

 Iguzkiaren argia gabe

 Neguan goibel zerua,

 Bai elhurpean borthua,

 Bainan ez artzain gaizua.

 6

 Neguan ere artzainak,

 Nahiz dituen bai lanak,

 Badu chirola, aditu jantzak,

 Neguan ere artzainak;

 Nahiz dituen bai lanak

 Lerdenak ditu errainak.

 7

 Primadera choragarri,

 Gaitz guzien sendagarri

 Mundu huntan nork ez du kausitzen

 Primadera choragarria

 Gaitz guzien sendagarti

 Agertzen da artzainari.

 8

 Borthu gaineko biziaz

 Kontent ez baniz menthuraz

 Ardiak nere, nihorren muthil,

 Borthu gaineko biziaz

 Kontent ez baniz menthuraz

 Ez nite mintzo egiaz.

 9

 Huntaz, dut beraz finitzen,

 Azken bertsua neurthitzen.

 Hastean erran dudan bezala

 Huntan dut beraz finitzen,

 Azken bertsua neurthitzen,

 Ez zitezen has unhatzen.