Zeru argian izan eztedin

Lertxundi, Joxe Mari

 -1-

 Zeru argian izan eztedin

 bertsoekiko utsuna,

 jartzera nua ta gaia ere

 aukeran daukat batzuna.

 Bil alditan nik tolosar baten

 deadarra det entzuna,

 orain orrixe jartzera noa

 merezi dun erantzuna.

 -2-

 Eta dalako tolosar ori

 dabil deadar egiñez,

 bere biotza lertzen daukala

 bi damagan maite miñez.

 Ta dama oiek berori ere

 maitatzen era berdiñez,

 gauz txar bat dauka; bi oietatik

 zein aukeratu jakin ez.

 -3-

 Izar kuttunak bereganatzen

 ori berdidutzen gaizta,

 beti norbaitek nai dion otsa

 bertsotan beñepain maizta.

 Orain aurretik Zaldibi'n zun bat,

 orain Tolosa'n bi aizpa,

 aukera ori nola lezaken

 ni asko arritzen naiz-pa.

 -4-

 Orain bi neska bi neska maite ditu ta

 len maite zuen bestia,

 tamaña ortako aukerarekin

 asko izaten ezta.

 Ainbeste gauza ta alare ola,

 ori bai dala tristia!

 beti zai nago ni noiz artuko

 ezkondu dan albistia.

 -5-

 Aitatutako tolosar ori

 degu Gillermo Albizu,

 eta denbora pasa baño len

 egin nai dizut abixu.

 Dama kuttunak nunai gañezka

 zuri agertzen zaizkitzu,

 urak juatian presa egitia

 aloerrik dala ba-kizu.

 -6-

 Ene, Guillermo, ezkongai zaude,

 aurreratua edadez,

 or ari zera, neskatxak nunai

 aukeran dauzkat, esanez.

 Dudik eztago lotan zaudela;

 egiten dezula amets,

 eta gerora esnatutzian

 maite zaitunik baterez.

 -7-

 Ainbat maitale eduki eta

 egon zu zauden bezela,

 esaidazu esan, gertakizun au

 iñun gertatu leikela.

 Ta zuk diozun aukerarekin

 sinistu dudan gaudela,

 ala izatera zu onizkero

 ezkondu ziñan bestela.

 -8-

 Leno banaka izaten ziñan

 ta orain kolpez bitaño,

 diximuluan itzak sartu nai

 norbaiti biotzeraño.

 Bestela ba-kit, aukerarikan

 ezta izaterik ortako,

 palta dezula jarrita obe

 orrela jardunda baño.

 -9-

 Ene, Gillermo, nik ikusten det

 zu nola zauden galaian,

 gustokorikan iñun billatu

 etzendulako garaian.

 Ni nola beti ibiltzen naizen

 iñori lagundu naian,

 nai bazenduke, itxurazkoak,

 iru ba-dakizkit Aia'n.

 -10-

 Esan bezela, zure galgara,

 Aia'n daude iru neska,

 bizimoduan zintzoak eta

 maitetasunez gañezka.

 Nere kontua gezurra ote dan

 baldin badaukazu kezka,

 besteak berdin esango dute

 asten bazera galdezka.

 -11-

 Iduritzen zait zu orkoekin

 ote zabiltzan ikaraz,

 emengo batek zure gogoak

 beteko ditu naikeraz.

 Zintzo, jatorrak, bizimoduan,

 ta itzegiñaz euskeraz,

 zuk bear dezun moduko ori

 oraintxe dezu aukeraz.