|
O Eguerri-gaua
Manuel Lekuona'k
(Dessiderium collim aeternorum).
"O Eguerri-gaua!
"Pozkariozko gaua!
"Oso poztutzen dezu
"Biotzean kristaua."
"Mundu guztia dezu
"zorionez betetzen,
"esaten bait-diozu
"Mesias dala sortzen".
Mesias sortzen eta
dana pakean jartzen.
O Eguerri-gaua...
(Abraham vidit et gavisus est...)
Lege Zarreko Aitak,
Abran danen nagusi,
gau au ikusi nai ta
begiz ezin ikusi:
gogoz ikusi utsez
poztu ziran ta jauzi.
O Eguerri-gaua...
(Rorate coeli desuper...)
Bekar zeruak intza,
lurrak Salbatzallea,
atsik gabe oiuka
zegon Igartzallea:
betor Sion mendira
Bildotx errugabea.
O Eguerri-gaua...
(Flos de radice ejus ascendet...)
Jetse'ren zuztarretik
txorten xut-xuta aziak
gaur erakusten digu
lore txuri-gorria:
Maria'k eskuetan
Jesus jaio berria.
O Eguerri-gaua...
(Montes velut arietes...
Levaverunt flumina vocem suam...)
Gaur mendi-bizkar danak,
ârikoak iduri,
pozez jauxika dabiltz
jauzika ta dantzari:
ibai-errekatxoak,
Jesus, Zuri kantari.
O Eguerri-gaua...
(Postula a me et dabo tibi...)
Oi orren ugariak
lur-gaņeko jendetzak!
Orren neurri-gabeak
lur zabalaren ertzak!
Aitak eman dizkitzu
guztiak gaur zuretzat.
O Eguerri-gaua...
Gure Ama Eliza,
zure ezurki maitena:
emaiozu Berari
lur zabal ori dena,
Berak zabaldu dezan
guztian zure izena.
O Eguerri-gaua...
|
