|
Aurrak lo ta amak amets
Lekuona, M.
Gela ta txukun polit alaya
seaska bazter batean
seaskan ume muxu gorri bat,
amatxo berriz aldean.
Orra nolako ikuskaria
nere begien aurrean
jarri oi zaidan, egun gozo au
urteak, dakarrenean.
Begiak ori... baņa zer da zer
gela ortan entzuten dana?
Kanta goxo bat, kanta ezti bat,
berdiņikan ez duana
bere aingeru txikiarentzat
amatxok sortu zuana,
eta amak bestek, iņortxok ere
kantatzen ez dakiana
Tunkurrunku-tunku-tunku
tunkurrunku-tuna
Tunkurrunku-tunku-tunku
tunkurrunku-tuna
Nere seme txiki-txiki,
aingeru kutuna
lo egizu, lo betea;
lo goxo aztuna...
Tunkurrunku-tunku-tunku
tunkurrunku-tuna
Legarretik elizara
aldapa ondoan
abuztuko ogeitaseya
daukat nik gogoan
orduantxe jaio ziņan
guztian kutuna,
orduntxe jayo ziņan...
tunkurrunku-tuna.
Eliz tellatutik egaz
uxoak lurrera:
zerutik zu jetxi ziņan
nere magalera...
baņan lo egizu maite,
egin lo, kutuna,
lo, gozoa, lo betea...
tunkurrunku-tuna.
Zeru goyan, ertz aldera,
diz-diz artizarra
an bean, errekondoan
txutikan lizarra
zu zerade Xepeino,
lizar bat lerdena
ta etxeko zeruan dan
izar ederrena...
baņan maite, lo egizu...
tunkurrunku-tuna.
seakatxo biguņean
lo egin kutuna:
Erletxoak zelaitikan
xuxen eultzera,
ezti gorri goxo-gozo
antxen egitera:
zure arreba guztiak
erletxo antzera,
ama negarrez utzi-ta
komentu batera:
baņan zuk ez nauzu utziko,
ez, zuk ez, kutuna...
tunkurrunku-tunku
tunkurrunku-tuna.
Penadaiko errekaldean
uxo bat laztana
komenturako bideak
ez dakizkiana
arek eta zuk... ¨nork daki?...
tunkurrunkutuna.
(Jaunari nai dakiola
danok nai deguna)
eingo ez ote dezuten
kabi bat txukuna.
Kabi artan gaurko amak.
(ordurako amona)
magalean lokartzeko
illoba kutuna,
ari kantatuko dio
gaur zuri dizuna:
Tunkurrunku-tunku-tunku
tunkurrunku-tuna,
Tunkurrunku-tunku-tunku
tunkurrunku-tuna
loo... loo...
tunku... runku... tu... na.
Seaskatxoa geldirik dago
aurra lo bete betean...
ama gaxoa ari begira
muxu bat eman nayean
orra nolako ikuskaria
nere begien aurrean
jarri oi zaidan San Zeferino
urtero datorrenean.
|
