Nere biziko eginkizunak

Lazkano, Imanol (Gaztelu)

 1

 Nere biziko eginkizunak itsasoan izan dira

 Potzu horretan badet egina makina bat jira bira

 Adinen kargak nere indarrak jeitsiak zaizkit erdira

 Leiho hertzean senditutzen det haize hotzaren mugira

 Negar malkotan bizi naiz beti leiho zarretik begira.

 2

 Maitale asko zuen etxean maitale asko auzoan

 Sarritan amets einen dutenak nere arraintxo goxoan

 Horretan lana egina det nik beti pausoan pausoan

 Bainan Jainkoak egunen baten elbarritzea naizuan

 Askotaz ere nahiago nuen bizi ta hil itsasoan.

 3

 Gazte aroko ibil aldiak nik nolatan ez gogora

 Illabeteak egiten nitun nere etxetik kanpora

 Diru aldetik ez izan arren merezi hainbat mejora

 Itsaso lanik ez balitzake ez nijoake inora

 Berriro jaio banintake ere nijoake itsasora.