Tx.E.-ri
Lasa, Mikel
Paisaje pasartea laino urratu gisa
burutik zaizkit iragan geldiro
zine mutua antzo oroimena hustu beharrez
Gure etxea mueble gabe zegoen hustua
anima gabetua bilhutsia
haizearen ulua ozenago zedin
isla bitarte hartan
Kainuak abiada haundian agurtu ninduten
itsas gaineko zeru zolan joan itzulietan
gris hitsean galdu bitartean
Lokarri ikus ezinaz inguratu ninduten
egazti ankerrek inguruka ta inguruka
besteengandik berezi ahaleginetan
Oinazearen tantolak etengabe zerioten
Ixurtegia zen etxe guzia.