Burua estalirik
Lasa Alegria, Amaia
Burua estalirik
buru makurtua ezin jasorik,
emakumetasuna bortxatzen jarraitzen digute
behin eta berriro.
Sabela hustutzen denean
eta
burua betetzen denean,
besoak luzaturik
haurrak lurrera erortzen zaizkio,
panpin
marama guztiak
hustutzen
lehertzen zaizkio.
Emea
emakume bihurturik
haurrak
panpinak
maramak..... Norentzat?..... DENONTZAT!
Emakumearen burua bete
eta
sabela hustutzen denean.
Zilborretik gora onartuak garenean.
Nik zu maiteko zaitut
haur maitea
panpin polita
marama goxoa.
BIHOTZA BURUA
zilborretik gora egonik
eta
gu
beti
burua sabelean sartuta izanik
ezin maitatu bihotzarekin
ezin amets egin buruarekin.