Larrosoarren agurra beren Ama Dolorosari itzuli zaiotenean
Larrosoroarra
1
Gure herriarentzat egun hau handia,
Alegrantziazkoa, ezin ahantzia.
Salutatzen zaitugu, Birjina Maria,
Zure haurren arterat berriz itzulia.
2
Galdu zintugunean, oi Ama Birjina!
Ezin erranezkua gure bihotz-mina.
Berriz huua uuu zaren haurretarat jina.
Nork erran beraz orai gure atsegina!
3
Atchikitzen diozu, bai, Larrosorori
Zu hunat itzultzeak agertzen du hori.
Gu hemen, zure haurrak, beha gaude zuri,
Ontsa ihardesteko zure bihotzari.
4
Bizi gaitezen Ama doloros hunekin
Eta altzoan duen Kristo Jaunarekin.
Haukien abitzinerat hurbiltzearekin
Othoitzik khartsuenak egin elgarrekin.
5
Ez ahantz behinere, herritar maiteak,
Entzunen dituztela hauk gure galdeak.
Non dituztela guretzat laguntza hobeak
Nahi baitugu aise jasan doloreak!
6
Amak eta Semeak daukate manatu:
Eliza bat berria behar da obratu.
Lan hurren egitean zaizku baliatu,
Hortakotz obra horrek ez gaitu mendratu.
7
Geroko beharrentzat ez izan herabe,
Ama eta Semea zeru-lurren jabe!
Hauk alde izaitea guretako hobe,
Ez gaitazte utziko laguntzarik gabe.
8
Gerthakari batentzat koplato hauk oro!...
Maiz gutiagorentzat egiten da haro.
Fini dezagun beraz, -gerokoak, gero-
Elgarrekin erranez: Biba Larrosoro!