Loudeseko Aizpea Zeruko Ataria

Albistur'ko Luis'tar

 Eun urte zaizkigu

 urte ontan betetzen,

 Ama Birjina-agertu

 zanetik Lourdes'en.

 Arrezkero an zenbat

 zorion dan gertatzen,

 mirari arrigarriak

 dute onetsitzen.

 Gogo ta korputzeko

 sendapen ugari,

 antxe gertatzen dala

 ongi da agiri.

 Zalantzarik ez dago,

 egia da ori,

 batzuek ikustea

 gertatu zait neri.

 Aldi askotan izan-naiz

 Lourdes'ko aizpean,

 t'otoilari bikañak

 ikusi ditut an.

 Ezin adierazi da

 toki ura zer dan,

 bertara joan eta

 ikusi artean.

 Zorioneko egunak

 antxen igaroak,

 zeru-atari dirudi

 bere inguruak.

 Ango eskariak entzunaz

 Ama txit garbiak,

 arrigarri gertatzen

 dira mirariak.

 Zeruko Amak an sortu

 zigun iturrian

 Ama Birjiña'n ura

 pozik oi det edan.

 Ur orrekin zenbatsu

 sendatuak diran,

 asko dirala baizik,

 ezin det nik esan.

 Eun urte oetan

 antxen ainbat alatz

 beste iñon gertatzea

 ez da, noski, erraz.

 Aizpe artan otoileak

 egunaz ta gauaz,

 onaurki da ikustea

 bertara joanaz.

 Lourdesko Bernardita,

 ikasle motela

 izan omen zan, baño,

 zintzo ta apala.

 Jakintsu izan gabe

 Santu egin leikela,

 beragan garbi dago

 ori alaxe dala.

 Urte ontan zaizkigu, ba,

 eun urte betetzen,

 Maria-agertu zala

 Lourdes'ko arkaizpen.

 Bernarditak bakarrik

 zuelako ikusten,

 au ausartu omen zan

 ea nor zan galdetzen.

 Marian erantzuna:

 «Sortzez Garbia Naiz,

 t'Agurtza esan zazu

 zaleki eta maiz».

 Iturri bat sortu zan

 toki artan mirariz,

 naiko argibidea

 sinisteko egiz.

 Eun urte oetan

 Lourdes'ko zatia,

 ongi ikusi degu

 mirariz jantzia.

 Aizpe ura bai dala

 zeruko ataria,

 Amak irixten bait-du

 ango eskaria.

 Ludiko sendalari

 onenak eziñak,

 asko sendatu ditu

 an Ama Birjiñak.

 Goiko laguntzik gabe,

 beko alegiñak,

 beti izango dira

 aul edo ziztriñak.

 Mirariz sortutako

 ango ur garbiak?

 asko sendatu ditu

 itxu t'elbarriak.

 Jaunak entzuten ditu

 ango eskariak,

 t'irixten lagundu ere

 Birjiña Mariak.

 Eliz, aizpe, iturri

 eta guruzpide,

 bata bezin bestea

 bikañago daude.

 An asko irixten-da

 otoitzaren orde,

 sarrigo an nintzake

 balegoke alde.

 Bernardatxo onari

 zitzaiola agertu,

 zeruko Ama Lourdes'en,

 ziñez det sinistu.

 Bere bizikera ta

 mirariak aztertu,

 t'ori egia dala

 ez leike ukatu.

 Jesus, Maria eta

 Bernardatxo Deuna,

 laguntza eske nator

 uste osoz zuengana.

 Euskalerria nai nuke

 izatea on-ona,

 t'Euskaldunoi iritxi

 zerun leku on bana.