|
Baserri zaar da ola berriak
Lar Betxi
ŦZer ots dek ori, seme
sakonean gora
gure mendietara
orain datorrena?
Lorik ez dit egiten
aspaldiko ontan,
burrundara ots orrek
etzekit zer duan...
Sortu zizkak oraingoz
buru ta biotzak,
ixillarazi dizkit
mendi oyar otsak.
Ekaitzaren antza dik,
tximistaren garra,
odei beltzaren kea
ta laiņo zatarra.
Pizti ikaragarrin bat,
ote dan nauk bildur,
suzko begiak eta
su odola zor-bor.
Orren arnas beroak
kedar eta autsak,
arras zikindu dizkik
mendi ta sakonak.
Bere lurrun zikiņaz
igartu arazi
gure baratzetako
lore ta zugasti.
Pizti txistu luzea
noizean bein joaz.
giza pillak irentsi
ta gero boteaz.
Itzali ere gabe
gabaz ez egunez,
inpernua ote dan
egin diat amets...
Orrek ixildu dizkik
gure txistu soņu,
euskal kanta ederrak
eta gure doņu...
Ya ondatua dik
eusko baserria.
gure izkuntza zarra
ta Euskalerria!
Erdaldunak ugari
ekarriaz ona,
agur, errietako
pake-zoriona!
|
