|
Urruti nere menditik
Landoste (Patxi)
Urruti nere menditik
Joan nintzan dirutu nairik.
Urrutietan laster biotza
Naigabez erdibiturik,
Gelditu nintzan tristerik,
Bake santua galdurik.
Gogoan nuen etxea
Gaztaiņ artean gorderik;
Mendiska baten agertutzen zan
Eleiza txukun, maitea,
Bertako ezkil-dorrea
Ainbat oroitzez betea.
O mendi biotzekoa!
O nere kabi-txuloa!
Zugan neretzat dizdiz egiņik
Dago izate gozoa,
Ala nola intz tantoa
Apaindurikan ostoa.
Ez naiz, ez, Jauna, geiago
Nere menditik joango.
Aitzurrak nere lagunak dirala,
Baserrian naiz biziko.
Zuri eskerrak emango
Bakez bete nazulako.
|
