Regrets du Basque partant pour l'Amerique. Nahi nuen kantatu
Nahi nuen kantatu,
Alegera phartitu;
Bainan zer bihotzmina
Ene baithan da phiztu?
Ene bihotza nola,
Nola daite kontsola.
Norat hoa, untzia,
Norat utziz Frantzia?
Norat hola deramak
Orai nere bizia?
Ene bihotza, etc.
Bagoazi tristeki,
Ameriketan khausi
Ustez gure gozoa:
Esperantza zoroa!
Ene bihotza, etc.
Zerek nau liluratu,
Hola zerk enganatu?
Egia onak utzirik
Itzala dut hautatu.
Ene bihotza, etc.
Eskual-herrian sortzen
Ameriketan hiltzen,
Ai! zer zorte dorphea
Orai dutan bilhatzen?
Ene bihotza.
Eskual-herri maitea,
Herri paregabea!
Hiltzea da neretzat
Hi gabe bizitzea!
Ene bihotza, etc.
Adios, ama maitea
Galtzen zaitut zu ere:
Ni zuganik urrunduz,
Zembat biziko zare?
Ene bihotza, etc.
Egin dudan botua
Baldin bethetzen bada,
Laster itzuliko naiz
Ama ona, zu gana
Ene mina bertzela
Nola daite kontsola?
|