Udaberriko loreak...

Landart, Daniel

 1

 Iguzkia, mendi gibelean,

 Herabe dagolarik:

 Abertzaleak badoatzi,

 Gogoa sutan,

 Amodioz beterik

 Zonbait makil kaskaren biltzerat.

 2

 Makil kaska horiek,

 Ez daukute min egiten.

 Bainan bakarrik,

 Gure abertzaletasuna azkartzen.

 3

 Zeren baitakigu,

 Eta hori aspalditik,

 Oraiko azkarrenak

 Izitzen hasiak direla.

 Hurbiltzen ari baita

 Hain aspaldian, idurikatzen dugun,

 EGUN haundia.

 4

 Segur baigira, gure begiez,

 Laster ikusiko dugula,

 Gure sofrikarioen eta lanen

 Hel-burua finkatzen:

 EUZKADI - EUROPAN.

 5

 Bil gaiten gazteak

 Eta elgarri jos.

 Har ditzagun bide berriak,

 Egiazko bideak.

 6

 Egiaren erraiteak eta entzuteak

 Min egiten balinbadu ere,

 EGIAK baigitu, nahi ala ez,

 Egun batez salbatuko.

 Eta GUK, egia diogu.