Mugertarrer...

Landart, Daniel

 1

 Mendi baten kaxkoan, Mugerre herria,

 Behar den bezela da, fermuki jarria.

 Orotarat behatuz, du bixta haundia...

 Gora den kurutzeaz, betitik zaindia!

 2

 Donoztirin egonik, naiz hunat heldia,

 Zinez ederra baita, holako tokia.

 Biziki xarmanta da, hemengo jendia.

 Eta eremaiten dut, goxoki bizia!

 3

 Mugerreko jendeak, ongi etorria,

 Egiten du guzier, hori da egia.

 Eni erran zautaten: To, adixkidia,

 Haugi gurekin haugi, luzatuz eskia.

 4

 Mugerren egonki ta, Baionan lanean,

 Irria ezpainetan, goxo bihotzean...

 Haize hegoa lagun, biloak airean,

 Goazen beti aintzina, omore onean!...

 5

 Ene adixkidea, Mugertar gaztea,

 Elgar lagun dezagun, ta elgar sustenga.

 Ajmodio ezti bat, oi lagun maitea,

 Atxikiz bihotzean, dugun elgar maita!