Nafarra, oi Nafarra

Labegerie, Mixel

 Nafarra, oi Nafarra, Euzkadi lehena,

 Ederra zen ametsa zure Erregena.

 1

 Arrosa bat urhezko zazpi hostozkoa,

 Errege ahur baten neurri betekoa,

 Edozoin baratzetan ezin sortuzkoa,

 Zurean zen loratu Batasun gogoa.

 2

 Entzuten da kantatzen zure jauregitan

 Uztai barri xaharren erreberietan,

 Zantxo-ren hil hobitik ilun nabarretan

 Bethi jalgitzen diren hasperen trixtetan.

 3

 Azkarrena zu zinen zazpi anaietan.

 Zu kadeetan preso nork zaitu ba eman?

 Xuti zaite berriz Errege jauntzitan,

 Batasun berriaren Arrosa eskutan.