|
Leoia zarrez iltzen
Leoi guztiz andi bat
ez il bai illean,
luze-luze etziņik
zegoan lurrean;
urteen zamak zeukan
ezin igiturik,
bada ez zan arkitzen
argan beste miņik.
Orruaz mendiz mendi
zanean len bizi
abereak zebiltzan
argandik igesi;
bat bakarrika ez zan
guztien artean
itxorongo zionik
iņolaz bidean.
Orain ikusirikan
etziņik lurrean,
esan deran bezela,
ez il bai illean
an dijoaz laisterka
txiki ta andiak
eta ito nai dute
gaixoa guztiak.
Zitalen kontua da
gaixoa danari
egin nai izatea
parra eta irri.
Gizon prestuak ez du
onela pentsatzen
gaixoenari dio
geiena laguntzen.
|
