Lengo egunian jaun prestu batek
Etxera egin dit abisa
Bertso berriyak ateratzeko
Oitura dedan gisa.
Alkartu ezkero desio dana
Iritxitzen baita aisa,
Bentako barriyuan egin da
Andre Mariaren eliza.
Agustuaren ogei ta bostian
Jendia garaiz jeiki zan
Andre Maria Arantzazukua
Jarri baitegu elizan,
Bedeinkatzera don Jose Alkain
Gure erretorea etorri zan
Aspaldiyan ezta gure barriyuan
Orrenbeste persona izan.
Mezako denboran eliza
Bai polita eta apaņa!
Ori orrela jarri dutenlak
Badute lanian maņa.
Donostiyatik abestutzera
Neskatxa taldo bikaņa
Egiņ zutena agertutzeko
Eskas da nere mingaņa.
Meza entzun da andik aguro
Kanpora giņadenian
Poxpoliņ eta makildantzari
Elizan aldamenian.
Soņu alaya jo ziyeten da
Asi ziraden lanian,
Gaztiak anka goratzen zuten
Denak umore onian.
Eliza egiteko lurra
Mendizabalek eman du,
Ingurukuak alkartueta
Bat bestiari lagundu,
Bost edo sei illabete oetan
Ez gera alperrik egondu.
Zenbat orlako ez litzake egingo
Elkar artuko bagendu.
Bi meza izango dira
Igandetan da jaitan.
Ori orrela utziya degu
Apaiz jaunaren baitan,
Utsikan gabe al bada zintzo
Juan bear degu aietan.
Lenengua sei terditan da,
Bestia berriz zortzitan.
Batzordekuak gizon argiyak
Santxez jauna presidente,
Jose Estomba kajero eta
Ni oriyen ayudante.
Asieran emandako itza
Geyenak due bete
Eskuzabaleko kristau onak
Ederki erantzun dute.
Eliza orra polita jaso
Jaungoikoari graziyak
Jendia asko animatu du
Ain dotore ikusiyak.
Dirua zeņek artutzen duen
Pranko galdezka asiyak
Arantzako Amak bedeinka bitza
Ematen duten guziyak.
