Larrosoroko kantu berriak
1
Urriaren hamaseian,
Igande egunean,
Baionan aphes chahar bat
egoiten den etchean,
Muthiko izar bat sarthu zen
zakhu bat bizkarrean
Muthikoak zer othe du
sakhu horren barnean ?
2
Huna zer zuen ichilka
zakhuan ekharria,
Birjina dolorosaren
antzo hunkigarria
Amak semea daduka
altzoan hil berria
Bi besoz Jesus atchikiz,
triste dago jarria.
3
Muthikoak aphezari.
hauche zion erasi:
"Zuri ekhartzeko dut hau
"Habren nihaurk erosi.
-"Zer derasak muthikoa?
"ez ahal duk ebatsi?
-"Ez, Jauna, ez naiz ohoina;
"behar nauzu sinhetsi.
4
-"Amerikano zen baten
"puskak ziren han saltzen.
"Hazpandar bat ondokotzat
"utzirikan hila zen.
"Saindu hau aditu nuen
"inkantean kridatzen
"Bortz liberaren oihura
"niri zauntan gelditzen.
5
Aphezak muthikoari
Birjina hartzen dio
Haren eskuetan utziz
gaizki egin bailio.
Ebatsia balin bada
jabea kausi diro.
Bilha dabilalarikan,
ai! ager balakio.
6
Zembeit egunen buruan
muthiko hura bera,
Bi jandarmek zeramaten
preso tribunalera,
Etche bat arrogaturik,
gabaz sarthuz barnera
Bertze hobenik baduen
ageriko othe da?
7
Orduan aphez chaharrak
entzuten du jendetan,
Larrosoron han daudela
jendeak nigarretan,
Birjina doloresko bat
galdurik egun hetan;
Norbeitek ebatsi deie
elizako heipetan.
8
Aphezak mezutzen dio
hango Jaunortorari
Birjina hark dioela
hartu ebasleari:
Hek galdu dutena dela
jokha liro zer nahi:
Berehala igor dezon
norbeit haren bilhari.
9
Jaunortorak igortzen du
Etchemendi harotza:...
Aphez etchetan jaun hori
ez da gizon arrotza
Beren ama dolorosa
ezagutzen du ontsa;
Hemen ikusteak berak
hausten dio bihotza.
10
Justiziak hunen berri
ordean ja badaki
Eta jukek ikusteko
nahi du zau atchiki
Ohoinak ez diro ukha;
hau bera badu aski:
Larrosoron behar dute
aphur bat iguriki.
11
Nork erran Larrosoarrek
duketen atsegina:
Itzultzen zaiotenean
beren Ama Birjina.
Hura galduz handi baitzen
zekien bihotz mina,
Atchemanik badukete
bozkario berdina.
12
Larrosoarrak zaudezte
chuchen zuen fedean.
Ama Dolorosa bethi
bedi zuen artean,
Handizki ohoratua
antzo hortan berean.
Zeruan ekhar zaitzazten
bere bihotz barnean.
13
Othoitzazue berezki
zuen nahigabetan;
Etchetik norbeit maiterik
galdu duzuenetan;
Partalier har zaitzazten
bere bihotz minetan:
Kontsolaturen zarezte
Amaren besoetan.
|