Illunabarra
Ku-ku
¡Zer edertasun zoragarria
eguzkiaren sarreran
geldi geldirik bere argia
mendi gañak itzaltzen!
Azken arnas eta dizdira,
il baño len isurtzean
zoraturikan nago begira
nolan zerua edertzen dan.
Goian dagon zapai urdiña
margo gorriaz betetzen da:
agertuz orla bere samiña
guregandik aldentzen da.
Zugaitz tartean dagon txoriak
agur dagio egunari,
abestuz orain bere itunak
ikusten duan illunari.
Aize goxoak zabaltzen ditu
lore guzien usaiak,
artzaitxoa, jartzen ez da gelditu
etxe batean ardiak.
¡O zeiñ ederra uda erdian
arratsaldeen bukaera:
egun argia iltzen danean
jaiotzen dan une ura!
Maitatzeko ze gogoak
ematen dion biotzari
esaten eziñ asma degunak
naiz eta garbi ikusi.
Ez idakit zerk, baña begiratzean
arrats eder ixilen amaiari
nere biotzaren erdian
ituntasuna sortutzen zait neri.
Jaungoikoaren edertasunak
itz batean, zoratu naute ni
biotz nerea jasoaz berak
samiña billatzen dan luditik.
Deituaz danori otoitzera
laixter eskilla entzuten da
illuntasuna dator jabetzera
ta ixiltasunez dana betetzen da.