Mikel Atxaga'ri jarriak

Mire Arrose

 -1-

 Orain amaika urte dirala

 Aizarna zegon pozturik,

 egun alaitan arkitzen zala

 nago dana sinisturik:

 Apaiz berria, gazte sasoiko,

 errian gendun sarturik,

 orduan artu gendualako

 ez degu izan damurik.

 -2-

 Goiko eskola berritu zenun

 jarri ere bai zinea.

 Urrutikuskin-telebisio

 umetxoen poz-bidea,

 geiagorentzat erreztu zenun

 sakon ontan ikustea.

 Lengo antzikan gabe daukagu

 eliz-areto maitea.

 -3-

 Erri ontako eliz ederrak

 berriturik du barrua:

 borondate on zuten guztiei

 bildu zenien dirua,

 itz-indargallu, aulki berriak,

 aldare ta ingurua,

 or gelditzen da betiko apain

 dirudiala zerua.

 -4-

 Atzai on orrek nai ginduzuan

 Ebanjelloz gazitu,

 baita Kristo'ren goitar egiaz

 buru-biotzak argitu.

 Gure aldetik entzun-gor egin

 eta marmarrez aritu,

 ola jokatuz artzai onaren

 deirik ez degu aditu.

 -5-

 Toki berrira ba-zoaz laister

 apaiz-lana egitera,

 danok naigabez emen utzirik

 zoaz Usurbil aldera.

 Oroitu zaite gurekin beti

 Aizarnarrena bait-zera,

 kotxe berriaz balia zaite

 sarri zatozen onera.