San Ageda eskea Euskalerrian

Kantabera

 Santa Yageda bezpara degu

 Euskalerriko eguna,

 etxe guztiak kantuz pozteko

 aukeratua deguna.

 Santa maitea gaur artu degu

 gure bideko laguna;

 aren laguntzaz bete gentzake

 egun ontako jarduna.

 ***

 Sizilia'ko ugarte ederrak

 emana degu lorea;

 an jaio bai-zan gure Ageda

 zorioneko gaztea.

 Txikitatikan gogoz artu zun

 Jesukristo'ren legea;

 maitasun onek ekarri zion

 biotzeko poz betea.

 ***

 Alkate jauna, legean gatoz

 baimen-eskean atera...

 kanta zaarrak galdu ez ditezen

 lengo oitura piztera.

 Guraso zarren legean pozik

 goaz danok kantatzera;

 Santa Yageda'k ekarri gaitu

 berorren etxe aurrera.

 ***

 Erretore jaunaren atean

 jo nai degu gaur aurrena,

 Jaungoikoaren ordezkoari

 gure agurrik onena.

 Zeruko Jaunak argitu beza

 beroren jardun zuzena,

 zeru goietan izan dezagun

 guziok gure azkena.

 ***

 Mendi tontorrak elurrez zuri,

 atai-aldean laiotza;

 etxe ontako nagusi jaunak,

 urrezkoa du biotza.

 Santa Yageda'k kendu digu gaur

 eskean asteko lotsa;

 dirurik ezpada, berdin zaigu

 gizendutako bildotsa.

 ***

 Mutil taldea ementxe gaude,

 danok gazteak eta gai;

 mundu guzia igaro degu,

 itxas, lepor, mendi, zelai.

 Neskatx ederrak utzi ditugu

 negar-malkotan gure zai;

 baiña guk nexka danen artean,

 emengotxe alaba nai.

 ***

 Eskean gatoz, baiña ez gera

 ez ijito ta ez praille...

 ***

 Ura gustatzen zaigu eskuak

 ta arpegia garbitzeko;

 baiña napar beltza bear degu,

 eztarria bustitzeko.

 Txanpaiña ere edango geunke

 norbait ba-litz emateko.

 Pattarra ez da gaizki etortzen,

 bizkarreko otza kentzeko.

 ***

 Ailperrik gizon gaiztoak zuten

 oiñazez erdi-illik utzi;

 Jesukristo'ren maitasun artan

 etzuan iñola etsi;

 otoi gozotan gogoa ixuriz

 mundu ontatik igesi,

 zeruetako zori ederra

 betiko zun irabazi.