Illargirako asmotan
Kalonje, Segundo
-1-
Illargira begira
dago gaur mundua,
ainbat milla urtian
len lo egondua.
Orain esnaratuta
ez da berandua,
ara joateko dute
txit asmo sendua.
-2-
Errusitarrak eta
Amerikanuak,
aruntza dijoazenak
gogor da sanuak.
Probatu nai dituzte
ango platanuak,
ezpazaizkate oker
irteten planuak.
-3-
Mundutik nai luteke
illargira jeiki,
bientzat bai ote da
biar ainbat toki?
Ezpadira konpontzen
nai bezin egoki,
zer gertatu diteken
Jaungoikoak daki.
-4-
Amerikanua ta
Errusia berdin,
lan beldurgarrizkuak
nai dituzte egin,
Alkar maitatzen dute
biak txuri-urdin
zein magusituko dan
nork daki illargin.
-5-
An ez ote du iņork
sentitutzen miņik?
Edo... ez ote dago
odolez egiņik?
Emenguak dabiltza
iritxi eziņik,
oraindik ez diote
arrapatu zaiņik.
-6-
Orain jakintsu asko
nola ari dian,
ez ditugu ikusten
begien aurrian.
Emendik aldeginda
ainbeste bidian,
amaika egun pasa
dituzte aidian.
-7-
Lurretik berezita
milloika leguan,
amaika egun nubait
igaro eguan.
Gizonaren buruan
orain zer daguan,
biurrikeri asko
dabizki goguan.
-8-
Urrutira joateko
bildurrik ere ez,
aparatuan sartu,
ura dute babes.
Ez dakit denborarik
pasa duten gabez,
baņa illargiratzen
ez daukate errez.
-9-
Gizona dabill orain
aurrerapen aundiz,
nik esaten dedana
makiņa bat aldiz.
Len ibiltzen zirala
oņez eta zaldiz,
al zuten bezelaxe
errekaz ta mendiz.
-10-
Orain errekak utzi,
mendiak ere bai,
Illargira joateko
gizonak daude gai.
Ta beste asko berriz
erreparuan zai,
bizitza eztitsuan
or dabiltza lasai
-11-
Illargian nai dute
arki Amerika,
orregatik dabiltza
berari zirika.
Ezer ez dan tokian
bueltaka korrika,
naiko bildurrarekin
alkarri segika.
-12-
Maitasun aundirik ez
alkarrenganako,
uste det ortatixe
dabiltzala plako.
Ez ez-kain da buruz
illun daudelako,
jatorrizko gaitz ori
degu sekulako.
-13-
Illargiak etsaiak
orain ba-daukazki
danak joan nai luteke
ondo edo gaizki.
Berak erakusten du
ispillurik aski,
Jainkoaren eskutik
dabillela, noski.
-14-
Arriturik daukate
Jaungoikoa bera,
ta ikusi nai ditu
gora eta beera.
Gizona nola ez dan
oso biotz-bera,
ia ekartzen duten
danen bukaera.
-15-
Uste det gabiltzala
arrixku txarretan,
ezin kabitu dira
munduko lurretan.
Gizonak sartu nai du
Illargi orretan,
ez dira ibiliko
noski, gezurretan.
-16-
Mundu ontan ba-dago
naiko katramilla,
galanki gastatuaz
urrutira billa.
Ori ontzat artuta,
beste zenbat milla?
Jainkuak nai duena
ala izan dedilla!
|