Deabruaren istilluak
L. Kaime
Eguntxo batez or atera zen
Luzifer beltz bere su'tik.
Jaungoikoari da atrebitzen
Mintzatzera begi txarrik.
"Zure 1ur ortan badezu, Jauna,
Asko oyes den erri bat:
Eman nazazu, arren, baikuna
Urbilltzeko arrenganat".
Satan orduan arin da jausten
Euskeldun onen artera:
Bañan mendi oik dute izutzen,
¡Zeru'en urbil baitira!
Bai alai ere etxe batean
Sartzen da goiznabar batez
"¡Ples! ¿Ote da norbait etxean?"
Dio berr'abotz erdoillez.
Gizon gazte bat azkar bipillik
Agertzen zaio atera:
"Goiko-Jaunari otoitz eginik
Orain ginazan ogera".
Satan itz oiek dute erotu.
Agudo du laster egin!
Bidean nai luke aurkitu
Orain norekin itz-egin.
Aldapa murritz soil bati gora
Naski eldu da or norbait
"Jainkoak dizula gau on bat, Jauna!"
...Iges yoan da norapait.
Mendi txar otan gauz onik ez dek:
Goazen karrika aldera,
An errexago ibilliko dek
Ire Infernu-bandera.
Lenen-lenendik eldu gazteri
"¿Nun dira mutil gazteak?"
"Bai, denak emen pillotan ari
Zaizkigu gure mutillak".
¡Ai! Ez dek ori infernu-josta.
Joka orain nexkatxeri
Oyen artean andigo baita
Jantzi apaindura ori.
Nexken ondora or da urbilltzen
"¡Astoa! ¿Nun dek txamarra
Gure maiteak die ibilltzen
Arbasoen apaindura".
***
¿Zer dira bada kasko gogo ok?
¿Nola bildu euskalduna?
¡Utz balezate euskaldun orok
Beren konkor mintzaera!
Beren oiturak lazotuz geroz
Utz lezakete fedea:
Bañan or dago azkar eta poz
Zenbait gizonen txedea.
Ber'biotzetan esanik daude:
"¡Zabal dezagun ARGIA!"
Burua gora gu emen gaude:
"¡Salba dezagun Erria!"