B. Enbeitari agurra
Iriazabal, Paulo
Balendin lagun neuk ere zeuri
pozik bertso abestia,
gaurko eguna guztiantzako
dalako pozgarria.
Ikusirikan zelan herriak,
eskintzen dautsun saria.
Ba dakigu, ezin ordaindu
zuk egiten duzun guztia.
Euskaldin alde zenbat lan
ixurita izerdia.
Euskal ohiturak beti sendotzen
zabaldu bertso ta euskeria;
bost seme jator bertsolariak
bertsolari alabia.
Lobak: Deunoro, Jesus Mari,
Ireneo Ajuria;
beste emakume bat
bertsolaria
juan jakun monjia.
Sendi, auzo, herri t'erbeste
zenbat herida jasia.
Gerra osteko lupetza atzeak
nahiz dirudi ipetargia,
Balendin zu zinan, benetan dinot
Bizkaiko eguzkia.
Urretxindorrak bedeinkatzen zaitu,
ba daukotala fedia,
ta bere segidari opa
osasun eta bakia.
Siglak itxi, sigletatik
ba dator asarria.
Sigla guztien ganetik beti
dalako gure aberria.
Aurrera Balentin haundia,
maitasun iturria.
Gora Balentin, gora ta gora
Klara bere emaztia.
B. Enbeitari agurra
Ajuria
Euskal Herriak ezagutu du
zure odolaren gradu.
Nahizta espetxe zigorrak izan
jarraitu duzu ondradu.
Etsaien aurka gau eta egun
hainbat neke ta ordu.
Abertsale onan itzala beti
Balentinek dausku zaindu;
Zintzo jokatu duen gizonak
bere ordaina behar du (bis).