Khilo egilearen Kantuak.
1
Amikozeko Gilen kilo-egileak
Etchetik khendu ditu bere langileak.
Sehi maitek.
Zeren galdu dituen irabazbideak.
2
Ez dezake nihon sal khilo, ordatza
Nagusi baitzayo gaItz erdi-arratza
Moko zorrotza
Ez da izertu nahi oraiko neskatcha.
3
Elhe biltzen dabila, galtchoina eskuan,
Laneko gogorikan ez baitu buruan,
Alfer moduan
Oihal guti emanez khutcharen chokuan.
4
Gazte irule guti da Eskual-herrian
Bat ez dugu ikhusten khiloa gerrian
Athe egian
Oi zer frendak horiek saltzeko ferian!
5
Oraino zembait bada ahuzo herrietan
Iruten hari denik berant aratsetan,
Bihotz minetan,
Hobek ez lagunduz behar-orduetan.
6
Askotan altchatzen da amasoren botza,
Bainan ilobak ez du hartu nahi ontsa,
Lanerat lotsa!
Arrantze gabe nahi bailuke arrosa,
7
Amak goizean oihu: jaiki hadi, haurra;
Ez-deia aski luze hiretako gaua?
Har zan haintzurra,
Itzuli beharra dun baratzeko lurra.
8
Alabak arrapostu ohetik gostura:
Bego bihar artino haintzurtzeko lurra,
Arte laburra,
Joan behar baitut goizik egun merkhatura.
9
Zuri galdatzen dautzut, izeba Maria.
Lakhet-lekhu othe da gaztentzat hiria!
Hain da egia,
Harat joaiteko badut hainitz gutizia.
10
Horra nola dabiltzan oraiko neskatchak
Lur-lanetako dira sobera beratzak
Oi alfer hotzak!
Akhabo eginen du laster laborantzak.
11
Neskatcha gazte dena itchuraz da abil;
Esposatu herrian jaunarentzat umil;
Ondoan zarpil
Galtzetako zilhoak erdirat ezin bil.