Karrosadun bati
1
Adiskidea, egia maite baduzu,
Atentzionez, othoi, entzun nezazu.
Sinhetsi nahi banauzu,
Hobeki muntatu behauzu,
Irabazi gehiago atherako baituzu.
2
Ez dut ikhusten nihon zu bezalakorik,
Bazter orotan zare famaturik.
Gauza bat falta bakharrik,
Zaldi on bat behar nombeitik,
Bertze tresna zahar hori igortzeko etchetik.
3
Ibili gabe bidean uda ala negu,
Baluke horrek oihanean emplegu,
Larrerat joan behar badu,
Ferrak khentzen ahal diozkagu,
Gaztetuko da menturaz libro uzten badugu.
4
Nihi baduzu entzun garbiki egia,
Hartu behauzu zaldi gazte herria.
Zahar huni goardia,
Fini baitu bere aldia,
Embozu lehen bai lehen erretreta handia.
5
Bihar berean kurri, ikhus merkatua,
Ez egon zaldi tresna horri lotua.
Moltsatik larga dirua,
Egin ontsa zure tratua,
Behingoz izan zaitezen gosturat muntatua.
6
Adiskidea, bethi zure zerbitzari,
Atentzione nere azken hitzari
Loth zaite zaldi onari
Eta estal karrosa hori,
Fortuna jarraikiko da sure muntadurari.
7
Segi nezazu, nik erran bezala planta,
Entzunen duzu laudoriozko, kanta.
Ah! zer gizon galanta!
Zer muntadura charmanta!
Oihu eginen dautzute: biba, biba erranta.
8
- Gogoan orai kopla haukien morala,
Egin nio bai zuk diozun bezala,
Balimbanu ahala,
Bainan eskas dut metala,
Lagundu nahi nauenak, othoi eman dezala.